Është mbajtur ceremonia e hapjes së Kongresit të dytë Klinik të organizuar nga Kolegji i Kirurgëve të Kosovës dhe Oda e Mjekëve të Kosovës.
Në këtë ceremoni ka marr pjesë edhe kryeministri Albin Kurti, i cili ka shprehur përkrahjen e tij për mjekët dhe ministrin Latifi, shkruan Gazeta Shneta.
“Shëndetësia është praktikë dhe efikasitet në punën e përdishme, por edhe akademi e shkencë që na edukon brezat e ardhshëm. Ju inkurajoj që të ktheheni dhe të gjeni vetën në Kosovë. Edhe ministrin e kemi mërgimtar. Do të angazhohemi të kemi sistem shëndetësor funksional publik. Kemi ngritur komisionin ekzektutiv për të siguruar funksion normal”, ka deklaruar Kurti.
Ministri Latifi ka deklaruar se qëllimi i kolegjit është modernizimi i kirurgjisë në Kosovë.
Qëllimi i këtij kolegji është modernizimi i kirurgjisë në Kosovë dhe kjo po arrihet përmes qëllimeve tona.
Kolegji i Kosovës është ftuar nga Kolegji i SHBA-së si pjesëmarrë special muajin e ardhshëm”, ka deklaruar Rifat latifi.
Kolegjin e ka përshëndetur edhe profesori nga Kolegji amerikan i kirurgëve Michael Sutherland.
“Kolegji i Kosovës e ka për model kolegjin amerikan. Është nderi im të jem këtu bashkë me juve dhe të participoj në ditët në vazhdim”, ka deklaruar Michael Sutherland.
Kryetari i Odës sw Mjekëve të Kosovës Pleurat Sejdiu ka deklaruar se “Dinjiteti i profesionistëve shëndetësor është nëpërkëmbur ndër vite dhe ne duhet të punojmë për ta rindërtuar.” /Gazeta Shneta/