Klinika Emergjente e Qendrës Klinike Universitare e Kosovës (QKUK), bazuar në raportin e 3-mujorit të parë të vitit 2023, mbetet klinika me më së shumti pacientë të trajtuar në kuadër të QKUK-së.
Bazuar në raportin e punës, për 3 muaj janë kryer gjithsej 20 mijë e 952 vizita mjekësore, prej tyre 2 mijë e 342 pacientë janë pranuar për trajtim të mëtejmë në klinika të ndryshme,
Nga numri i përgjithshëm i vizitave, 3 mijë e 574 pacientë kanë marrë trajtim në shërbimin kirurgjik, 7 mijë e 44 në atë internistik dhe 4 mijë e 746 në shërbimin ortopedik.
Po ashtu, ka pasur 303 operacione kirurgjike në sallat emergjente të operacionit.