Një studim i ri nga AXA dhe IPSOS tregon se më shumë se 60% e njerëzve po përdorin inteligjencë artificiale për këshilla mbi shëndetin mendor, si ankthi, stresi dhe depresioni. Megjithatë, rreth 45% e tyre shprehen të pakënaqur me përgjigjet që marrin nga këto platforma.
Sipas raportit “Mind Health Report”, i realizuar në 18 vende me rreth 19,000 të anketuar, 68% e popullsisë globale është e prekur nga probleme të shëndetit mendor në nivele të ndryshme. Tek të rinjtë 18-24 vjeç, kjo shifër arrin në 85%.
Studimi thekson gjithashtu se shumë njerëz po i drejtohen AI-së si një formë e shpejtë dhe e lehtë ndihme, por ekspertët paralajmërojnë se këto mjete nuk zëvendësojnë profesionistët dhe mund të mos ofrojnë këshilla të sakta për raste më serioze.