Katër në dhjetë gra pranojnë se vuajnë nga rrjedhjet e fshikëzës. Një sondazh me 2000 gra, të cilat përjetojnë probleme të tilla, zbuloi se 83 për qind kishin përjetuar ndryshime në menopauzë.
Aktualisht, mbi gjysma (56 përqind) ndihen të turpëruar të diskutojnë çështjet e tyre personale dhe dy të tretat (65 përqind) do të vendosin të vuajnë në heshtje, shkruan Express.co.uk transmeton Gazeta Shneta.
Hulumtimi u përkrah nga Always Discreet, në përgjigje të faktit pak të njohur se gjysma e grave mund të përjetojnë rrjedhje të fshikëzës gjatë menopauzës.
Marka e famshme e produkteve ka bashkëpunuar me Ulrika Jonsson për të hequr ‘kapakun’ e rrjedhjeve të fshikëzës gjatë menopauzës dhe për t’i bërë gratë të kuptojnë se nuk janë vetëm – pasi të mësuarit për këtë është hapi i parë për ta menaxhuar atë.
Personaliteti televiziv Ulrika tha se: “U habita kur kuptova se rrjedhjet e fshikëzës janë kaq të zakonshme për gratë gjatë menopauzës. Nuk e kuptova lidhjen mes të dyjave, pasi askush nuk po flet për të.
“Duke i përjetuar ato pas lindjes, e kuptoj ndikimin që mund të kenë në besimin tuaj.
“Dita Botërore e Menopauzës është një mundësi e përkryer për të hapur me të vërtetë bisedën dhe për të rritur ndërgjegjësimin.
Studimi zbuloi gjithashtu se 52 për qind nuk e kishin idenë se rrjedhjet e fshikëzës mund të ishin shenjë e menopauzës.
Për shkak të mungesës së edukimit se si të parandalojnë ose menaxhojnë rrjedhjet e fshikëzës, 71 për qind e grave thanë se preken çdo ditë – duke i bërë ato të ndalojnë së bëri gjëra normale, duke përfshirë të qeshurit shumë, të kenë marrëdhënie intime dhe të shkojnë në palestër.
Pothuajse gjysma madje pranuan se kanë frikë të pinë lëngje nga frika e rrjedhjes gjatë ditës, sipas të dhënave të OnePoll.
Megjithatë, 65 për qind besojnë se është e rëndësishme të flitet më hapur për rrjedhjet e fshikëzës në mënyrë që të thyhet tabuja. /Gazeta Shneta/