Merita Brovina: Patetizëm në aktrimin e sotëm të Sindikatës së Shëndetësisë

2021-11-25 në ora 21:34

Dr. Merita Brovina, ish-këshilltare e ish-ministrit Arben Vitia, ka reaguar sot ndaj grevës së organizuar nga Federata e Sindikatave të Shëndetësisë.

Brovina i ka quajtur aktrime veprimet e FSSHK-së, për të cilën ka thënë se ka zero kredibilitet për të kritikuar kryeministrin Albin Kurti, shkruan Gazeta Shneta.

“Patetizëm në aktrimin e sotëm te Sindikatës së Shëndetësisë së Kosovës! Nëse ju për 20 vjet do kishit pasë një strategji të qartë veprimi e do kishit qarë hallet e kushteve e pagave tē punëtorëve shëndetësorë, edhe do kishit qenë kredibil të drejtoni gisht e kritikën ndaj Z. Kurti”, ka shkruar Brovina.

“Zero kredibilet mbani mbi veprimtarinë e juaj 20 vjeçare”, ka thënë ajo.

Lexoni reagimin e plotë më poshtë:

Patetizëm në aktrimin e sotëm te Sindikatës së Shëndetësisë së Kosovës!

Nëse ju për 20 vjet do kishit pasë një strategji të qartë veprimi e do kishit qarë hallet e kushteve e pagave tē punëtorëve shëndetësorë, edhe do kishit qenë kredibil të drejtoni gisht e kritikën ndaj Z. Kurti.

Nëse vetëm njëherë të kishit ngritë zërin për rrënim të sistemit shëndetësor e mungesë enorme te stafit shëndetësor edhe do ju kishim shikuar sot me sy kredibil.

Zero kredibilet mbani mbi veprimtarinë e juaj 20 vjeçare.

Andaj fraza: Z. Kurti sot na ndau prej pacientëve vetëm shpërfaqë patetizëm të skajshëm dhe mungesën e një trohe dinjiteti që do duhej ta keni.

20 vjet po ua rikujtojë edhe njëherë, ju keni bërë kompromis me paqën sociale!

P.S

Të i tregoj dikush edhe Hekuran Muratit që zotimi i mjeteve për barna është obligim i tij  ndaj qytetarëve të sëmurë të k’tij vendi, nuk është favor ndaj punëtorve shëndetësorë, ngaqë me gjasë ka ngatërru gjërat!