Kur themi që një foshnje ka gazra, ajo që duam të themi në të vërtetë është se ajo ka gëlltitur pak ajër që tani ka ngecur si një flluskë e vogël në stomakun apo sistemin e saj të tretjes, duke i shkaktuar dhimbje.
Kjo nuk është një lloj me dhimbjen e barut dhe trajtimi i këtij problem zakonsisht është diçka më e thjeshtë, shkruan Practical Parenting përcjell Gazeta Shneta.
Megjithatë ka disa foshnja tek të cilat gazrat shkaktojnë shumë më tepër probleme se sa tek foshnjat e tjera.
Çfarë mund të bëni për gazrat e foshnjës?
Ideja është që foshnja t’i ngrejë gazrat lart dhe të gromësijë. Këtë mund ta bëni duke e ulur në prehër, t’i vini pëllëmbën e dorës tek stomaku, kokën t’ia mbani midis gishtit të madh dhe gishtit tregues të shtrirë, ndërsa gishtat e tjerë janë nën krahun e foshnjës.
Presioni i lehtë i dorës suaj mbi stomakun ndihmon që gazrat të shkëputen dhe të dalin, po ashtu, ndërkohë mund edhe t’i shtypni ose fërkoni ngadalë shpinën me dorë për ta lehtësuar gromësitjen.
Një mënyrë tjetër është që ta vini foshnjën përmbys mbi supin tuaj dhe t’i fërkoni shpinën ndërkohë që stomaku i shtypet mbi sup, ose ta mbani përmbys mbi krah ose në prehër – këtë mund ta bëni pak më vonë, kur të jeni më e sigurtë dhe më me besim në mbajtjen e foshnjës.
Nëse mendoni që foshnja juaj ka shumë gazra dhe ushqehet me gji, ka mundësi që ajo merr ajër kur ushqehet ngaqë nuk kapet mirë pas gjirit.
E vetmja gjë që nevojitet për ta ndrequr situatën është ndoshta ndryshimi i pozicionit. /Gazeta Shneta/