Shumë prindër të fëmijëve të cilët thithin gishtin e madh shtrojnë pyetjen nëse duhet ta zëvendësojnë këtë me një biberon.
Deri tash studimet nuk kanë treguar se njëra është më e preferuar se tjera. Për më tepër, edhe pse prindërit mund t’i inkurajojnë fëmijët të thithin biberonin se sa gishtin e madh, ata nuk mund ta kontrollojnë se cilën prej tyre foshnja e pëlqen më shumë.
Edhe pse avantazhet dhe disavantazhet e thithjes së biberonit dhe gishtit të madh nuk janë krejtësisht të qarta, ka disa gjëra të përgjithshme të cilat prindërit duhet t’i kenë parasysh.
Avantazhi i përdorimit të biberonit përfshin të qenit në gjendje ta kontrollosh kur t’ia lejosh foshnjës ta përdorë atë, dhe të qenit në gjendje t’ia heqësh biberonin kur ai nuk është më i përshtatshëm. Por, biberonët mund të rritin gjasat që fëmija të preket nga infektimet e veshit të mesëm, kur këto përdorën pas moshës 12-muajshe.
Një avantazh i thithjes së gishtit është se kjo mund të mos interferojë me dhënien gji, dhe fëmijët zakonisht ndalojnë vetë nga mosha tre deri në pesëvjeçare. Por nëse thithja e gishtit zhvillohet në një shprehi pas moshës katërvjeçare, fëmija mund të zhvillojë probleme dentale. Po ashtu, mund të jetë më e vështirë për fëmijën të ndalojë të thithë gishtin se sa të përdorë biberonin.
Bisedoni me mjekun tuaj se sa kohë duhet të pritni para se t’ia jepni biberonin një foshnje që ushqehet me qumësht gjiri.
Mbajeni në mend se nuk ka arsye të inkurajohet thithja e gishtit ose përdorimi i biberonit në foshnjat të cilat nuk shprehin nevojë. Instinkti thithës te këto foshnja plotësohet përmes dhënies gji ose ushqimit me shishë. /MjekuNET/