Një nga aftësitë që fëmija mëson përgjatë jetës së tij është edhe qëndrimi ulur. Gjithsesi, ekziston një moshë e caktuar që lejon qëndrimin ulur tek foshnjet.
Në përgjithësi një aftësi e tillë arrin të fitohet rreth muajit 4-7 e gjysmë të jetës, kohë në të cilën fëmija fillon të mësojë edhe si të rrotullohet. Në fillim fëmija ka nevojë për dike që ta mbajë në zonën e shpinës në mënyrë që të mos bjerë. Një bebe mund të qëndrojë ulur për disa minuta pa ndihmën e dikujt vetëm rreth muajit të 8-të. Qëndrimi në mënyrën e duhur do të jetë vetëm në momentin që fëmija do të mësojë të kontrollojë në mënyrë të plotë peshën e kokës së tij, dhe deri në këtë moment është e rëndësishme që fëmijën ta mbajë dikush.
Rreth muajit të 7-të fëmija mund të jetë edhe në gjendje të qëndrojë ulur duke u ngritur vetë nga pozicioni me bark poshtë, gje e cila ndodh nëpërmjet mbështetjes së krahëve.
Fëmijët fillojnë të forcojnë muskujt e qafës duke u përpjekur të ngrejnë kokën nga pozicioni me bark poshtë, për këtë arsye ju duhet të favorizoni këtë lëvizje ndoshta edhe duke i propozuar ndonjë objekt tërheqës. Mos e sforconi për të qëndruar ulur vetë gjatë fillimit pasi ai ende nuk ka një ekuilibër të mirë.
Nëse fëmija nuk është në gjendje të mbajë kokën nga muaji i 4-t si edhe të qëndrojë ulur deri në muajin e 9-të duhet të flisni me një mjek pediatër. Fëmijët kanë kohë të ndryshme të zhvillimit, dikush eshtë më i shpejtë, dikush më i ngadaltë, por qëndrimi i kokës është thelbësor për të qëndruar ulur vetë si edhe më pas në të ecurin. Kini parasysh se fëmijët prematurë e arrijnë diçka të tillë më vonë se bashkëmoshatarët e tyre./pernenat.al/