Një gjë të përbashkët, të cilën nënat shtatëzëna ndajnë me njëra-tjetrën, është padyshim ledhatimi i barkut gjatë shtatëzanisë. Për disa prej tyre kjo prekje e barkut është relaksim, ndërsa për disa të tjera, është një mënyrë për t’u ndjerë sa më afër me beben e tyre.
Në qoftë se jeni shtatëzënë, dhe bëni pjesë në njërin nga këta dy grupe, studiesit e Dundee University në Skotlandë, kanë një lajm të mirë për ju.
Sipas studimit të realizuar nga ky universitet, ku janë tëstuar 23 shtatëzëna, duke biseduar apo ledhatuar me beben brenda mitrës, edhe bebet i përgjigjen këtyre stimulimeve, të cilat i bëjn të ndihen mirë, gjithashtu!
Studiuesit kanë theksuar se bebet brenda barkut të nënës, pas këtyre stimulimeve, kanë filluar të rrotullohen dhe lëvizin përbrenda me shpejtësi më të madhe sesa rrotullimet e zakonshme që praktikojnë gjatë shtatëzanisë, shkruan What to expect, transmeton Gazeta Shneta.
Megjithëse ky studim nuk ka pasur kuadër të madh të testimeve, doktorët vërtetojnë se bebet gjejnë rehati shumë të madhe duke iu përgjigjur prekjeve dhe kontakteve të nënës apo ndonjë familjari tjetër shumë të afërt.
Prandaj, ata sugjerojnë që të vazhdoni të mbani këso lloj kontaktesh gjatë shtatëzanisë për një zhvillim të mirëfilltë të bebes. Madje, sipas tyre do të ishte tejet e rëndësishme nëse i këndoni bebes për ta relaksuar edhe më shumë derisa ta mbani në duart e juaja dhe të njifeni për nga afër! /Gazeta Shneta/