Mjekët në Algjeri kanë zbuluar një fetus të kalcifikuar në mitrën e një gruaje 73 vjeçare.
Sipas fotografive të publikuara në rrjetet sociale në ‘Meddy Bear’, imazhi i CT-së 3D shfaq fetusin që ka mbetur i bllokuar prej 30 vjetësh në mitrën e nënës, transmeton Gazeta Shneta.
“Mjekët kanë gjetur një fetus të kalcifikuar prej 30 vjetësh në mitrën e një gruaje 73 vjeçare. Ky skanim me CT 3D i takon një gruaje algjeriane me fetusin që ka mbetur brenda mitrës për më shumë se 30 vjet”, thuhet në përshkrimin e fotografisë.
Sipas shpjegimeve në komente, besohet se nëse fetusi vdes brenda mitrës së nënës, placenta ndihmon në mumifikimin dhe mbajtjen e tij sikurse është shfaqur në këtë fotografi. Poashtu placenta e mbron nënën nga infeksionet. /Gazeta Shneta/
