Sekrecioni i pllakëzave të mpiksura të gjakut gjatë menstruacioneve nuk përbën rrezik për shëndetin e gruas, por kur këto të fundit janë relativisht të mëdha e të shpeshta, mund të jetë shenjë e një problemi shëndetësor.
Ndonëse gjaku i menstruacioneve besohet të jetë fluid, prania e këtyre koagolave të gjakut është mëse normale.
Susan Wysocki, anëtare e Asociacionit Amerikan të Shëndetit Seksual thotë se kur indet e mitrës nuk janë në gjëndje të shpërbëhen plotësisht ndodh që periodat të vijnë në trajtën e gjakut të mpiksur.
Këto mpiksje zakonisht janë në ngjyrë të errët dhe shfaqen gjatë ditëve të para të menstruacioneve.
Zakonisht nuk ka asgjë për t’u shqetësuar, por në disa raste këto mund të jenë shenjë e një problemi të rëndë shëndetësor.
Sipas Wysocki-t, është e mundur që një ndryshim i papritur i periodave mund të jetë pasojë e një aborti, sëmundje apo infeksioni, ndonëse në këto raste kjo gjë shoqërohet me dhimbje dhe simptoma të tjera.
Për shembull, mpiksja e shoqëruar me dobësi dhe lodhje mund të jetë një shenjë e anemisë, një gjendje në të cilën trupi juaj nuk prodhon mjaftueshëm qeliza të kuqe të gjakut për të transportuar oksigjen. Menstruacionet e rënda dhe të gjata mund të jenë shenjë e fibroideve, kiste të vogal jo kancerogjene./Living/