Ministria e Shëndetësisë e Maqedonisë Veriore e ka angazhuar një pediatër/kardiolog nga Kosova për t’i trajnuar mjekët në Spitalin e Tetovës për ekokardiografi fetale.
Prof. Ramush Bejiqi së bashku me kolegun e tij Orhan Uzun nga Universiteti i Cardifit dhe Nadezhda Xhelepova nga “Spitali i Fëmijëve Mançester”, do të mbajën punëtorinë “Ekokardiografia fetale” në Spitalin Klinik të Tetovës, shkruan Gazeta Shneta.
Sipas njoftimit, kjo punëtori është organizuar nga Ministria e Shëndetësisë në bashkëpunim me “Shoqatën e Mjekëve-Shqiptarë të Republikës së Maqedonisë së Veriut”.
“Punëtoria do të zhvillohet nga ekspertë të kësaj fushe, duke përfshirë prof. Dr. Ramush Bejiqi, pediatër, kardiolog subspecialist, prof. Orhan Uzun, konsulent në pediatri dhe kardiologji fetale, elektrofiziolog në Bordin Shëndetësor të Universitetit Cardiff dhe Vejl, Britani e Madhe dhe Dr. Nadezhda Xhelepova, konsulente në kardiologjinë pediatrike dhe fetale “Spitali i Fëmijëve Mançester”. Përmes këtyre aktiviteteve, Ministria angazhohet për forcimin e kapaciteteve shëndetësore përmes edukimit të vazhdueshëm mjekësor të profesionistëve shëndetësorë për të përmirësuar nivelin e ofrimit të shërbimeve shëndetësore”, thuhet në njoftimin e MSh-së. /Gazeta Shneta/
