Shumë prindër në mbarë botën përdorin vajin e ullirit për të masazhuar foshnjat e tyre pa asnjë problem. Megjithatë, studimet kanë zbuluar se vaji i ullirit nuk mund të jetë alternativa më e mirë për të masazhuar babin. Nëse fëmija juaj ka lëkurë të thatë nuk është mirë të përdorni vajin e ullirit.
Vaji i ullirit ka sasi të ulët në një acid yndyror të quajtur acid linoleik dhe është i pasur me një tjetër acid yndyror të quajtur acid oleik. Acidi linoleik mund të përkeqësojë lëkurën e thatë, ndërsa acidi oleik, nga ana tjetër, mund të bëjë disa shtresa të lëkurës së fëmijës tuaj më të depërtueshme.
Kështu, nëse lëkura është e dëmtuar dhe ka ekzema, acidi oleik mund të ulë lagështinë e lëkurës dhe përkeqëson ekzemën.
Disa ekspertë madje mendojnë se acidi oleik mund të jetë i dëmshëm edhe ndaj lëkurës së shëndetshme, por kjo nuk është vërtetuar ende.
Dihet që shumë njerëz përdorin vajin e ullirit për të trajtuar lëkurën e tyre, megjithatë, lëkura e foshnjës është shumë më delikate se lëkura e një të rrituri.
Duhet të keni parasysh se në raste të lëkurave problematike të foshnjës të mos përdorni vaj ulliri, ndërsa kur lëkura është e shëndetshme, por keni histori familjare të ekzemave, mbajeni larg vajin e ullirit nga fëmija.