Një nënë ka postuar një video me pamje të ndjeshme të foshnjes së saj të sapolindur e cila nga pakujdesia e stafit mjekësor, rrëzohet në kokë.
Ngjarja ka ndodhur në spitalin “Chandler Regional” në Arizona të SHBA-ve, shkruan GazetaShneta.
Në një postim në Facebook, Rodgers ka kritikuar mjekët e këtij spitali për pakujdesinë e treguar.
“Binjaket e mia kanë lindur më 14/02/2019 në Chandler Regional në qytetin Chandler, Arizona. Vajza ime Mogran është rrëzuar në kokë nga neglizhenca e stafit. Ata nuk më kanë lajmëruar për këtë incident si dhe nuk më kanë njoftuar nëse kanë kryer ndonjë ekzamimin të kokës pasi e kanë rrëzuar. Do të doja ta parandalojë këtë gjë edhe për fëmijët tjerë që lindin në këtë spital”, ka shkruar Rodgers.
Ajo ka shtuar se foshnja ka qëndruar 12 ditë në inkubator për shkak të peshës së saj kritike.
“Pas 5 ditësh i është bërë ekzaminimi i kokës, kurse mua nuk më kanë njoftuar asnjëherë për rezultatet e këtij testi. Ajo ka një hemorragji në anën e majtë të trurit dhe nuk jam e sigurt nëse I është shkaktuar nga rrëzimi apo nga pesha e ulët. Nuk më kanë njoftuar për këto rezultate deri në momentin kur mjekut ia paraqita një çështje tjetër”, ka shkruar ajo.
Në fund ka bërë thirrje që të gjitha ta shpërndajnë këtë video si tentim për të ngritur vetëdijen për kujdesin ndaj foshnjeve të sapolindura. /GazetaShneta/
* Kujdes, pamje të ndjeshme
https://www.facebook.com/mo.henderson.5/videos/2648842091797161/