Kardiologu dhe doktori nga Vushtrria, Bedri Zahiti, ka ndërruar jetë në moshën 68-vjeçare ditën e djeshme.
Ndërsa mënyra e tij e vdekjes ende nuk është bërë e ditur, portal Vushtrria Online ka bërë të ditur se varrimi I të ndjerit do të bëhet në ditën e sotme nga ora 13:00 në varrezat e fshatit Begaj.
Kryetari i Komunës së Vushtrrisë, Xhafer Tahiri, në mesin e shumë qytetarëve ka ngushëlluar familjen e Zahitit dhe bashkëvendasit e tij nëpërmjet një telegram ngushëllimi, kështu si vijon më poshtë:
“Telegram ngushëllimi
E nderuara familje e Dr. Bedri Zahiti,
Ju, komuniteti mjekësor dhe qyteti jonë sot humbi mjekun shembullor Prof. Dr. Bedri Zahiti.
Dr. Bedri Zahiti, ishte një nga emrat më të njohur të mjeksësisë në qytetin e Vushtrrisë e më gjerë. Ai dha një kontribut të pazëvendësueshëm si mjek në shërbim të shëndetit të qytetarëve.
Në emër timin, të familjes time dhe të gjithë qytetarëve të Vushtrrisë, Zoti ju lashtë shëndoshë juve familjes Zahiti, miqve e kolegëve të profesionit.
Me respekt,
Xhafer Tahiri”