CNN tentoi të shpjegoj dëmet e teknologjisë që mund të ndikojnë në fëmijën tuaj dhe disa këshilla të thjeshta për parandalimin e tyre.
Nuk ekzistojnë kërkime të besueshme të cilat thonë se ekranet shkaktojnë ndonjë lloj dëmtimi në tru, mirëpo duket se ndërveprimi fëmijë-prind dhe komunikimi i rrallë me të tjerët mund të ndikoj negativisht në zhvillimin e gjuhës së folur të fëmijëve. Studimet këshillojnë që TV t’a mbani jashtë dhomave të gjumit, transmeton Gazeta Shneta.
Hulumtuesit thonë se shumë studime janë bërë në fushën e rrezatimit dhe ndikimin e tij, mirëpo rezultatet janë jo-bindëse. Komuniteti hulumtues ende po heton, por ende nuk ka fakte se telefonat celularë shkaktojnë kancer tek njerëzit. Mirëpo përsa i përket valëve, mjekët kanë sugjeruar që mos t’i lejoni të flenë me telefonat e tyre nën jastekë.
Ekspozimi i madh ndaj lojërave të dhunshme mund të jenë një faktor rreziku për sjelljen e dhunshme, sipas disa, por jo të gjitha studimeve. Fëmijët të cilët janë të ekspozuar ndaj faktorëve të shumëfishtë të rrezikut, duke përfshirë abuzimin e substancave, agresionin dhe konfliktet në shtëpi kanë shumë gjasa të jenë të ndikuar nga kjo prapavijë fëmijërore.
Përsa i përket komunikimit ftyrë-më-ftyrë, hulumtuesit këshillojnë që fëmijët tuaj ta praktikojnë më shpesh!/Gazeta Shneta/