Në shoqëritë moderne si kjo e sotmja, numri i divorceve është në rritje dhe ndër arsyet kryesore renditet tradhtia bashkëshortore.
Po si ndikon tek fëmija tradhtia e njërit prind?
1) Ndihen të zënë ngushtë
Kur të njohurit si fqinjët apo edhe shokët e klasës së fëmijës mësojnë për arsyen e prishjes së martesës suaj, ata do ta vënë fëmijën në siklet me komentet e tyre. Fëmija do të turpërohet dhe do të ndihet i zënë ngushtë kur të dëgjojë fjalë negative për njërin prind.
2) Humbja e respektit për prindin që ka tradhtuar
Kur veprimet e një prindi dëmtojnë tjetrin, psikologët paralajmërojnë se është e natyrshme që fëmija të humbasë besimin dhe respektin për të. Kjo është diçka shumë tronditëse për fëmijën dhe e vështirë për ta pranuar sepse ata i shohin prindërit si modele dhe si heronj.
3) Ndihet i zemëruar dhe i pasigurt
Zemërimi është një reagim spontan i fëmijës. Familja është burimi i ndjenjës së sigurisë dhe kur diçka nuk shkon siç duhet, fëmija humb besimin dhe sigurinë.
4) Fillon të mbajë sekrete
Nëse fëmijën do ta shqetësojë diçka, ai nuk do t’ju besojë më juve për t’i ndarë ato.
5) Ndjenja e fajit
Kur prindërit kujdesen për gjithçka dhe prioritet ka fëmija, kjo do ta bëjë atë të ndihet në faj dhe të mendojë se është shkaktari i problemeve të prindërve.
6) Kanë vështirësi në krijimin e marrëdhënieve të shëndosha
Kur fëmija të ketë arritur një moshë të caktuar, kjo eksperiencë që ka kaluar në familje do ndikojë shumë në marrëdhëniet që do të krijojë më vonë.
A duhet t’i tregoni fëmijës për tradhtinë?
Tradhtia është një çështje mes bashkëshortësh, në të cilën është mirë që fëmija të mos përfshihet dhe të mos e mësojë se ka ndodhur diçka e tillë.
Një fund i lumtur është ende i mundur…
Megjithatë, një moment tradhtie, jo detyrimisht do të thotë që çifti do të ndahet. Nëse e gjeni një rrugë të mesme për t’u pajtuar, atëherë gjithçka mund të shkojë më së miri. /Gazeta Shneta/