Shumica e femrave, sidomos ato të cilat përjetojnë shtatëzaninë e parë shqetësohen për kohën ekzakte kur bebja kthehet në pozitën e duhur për lindje më të lehtë. Kjo pozitë është atëherë kur koka e bebes drejtohet kah kanali i daljes, pasiqë bebet lindin duke e nxjerrë fillimisht kokën jashtë trupit të nënës.
Kur është koha e duhur për rrokullisjen e trupit të bebes brenda mitrës?
Derisa vazhdoni të përparoni me shtatëzanisën tuaj, pozicioni i bebes tuaj është shumë i rëndësishëm. Kur të jeni në javën e 30të, bebja duhet të rrotullohet me kokë poshtë, por fatkeqësisht kjo gjë nuk ndodhë tek të gjitha nënat në këtë kohë.
Megjithatë është mëse normale që bebja të rrotullohet në javën e 34. Ndërsa, sa i përket shqetësimit tuaj, ai duhet të ngjallet tek ju, në rast se bebja nuk merr këtë pozitë pas javës së 36të. Në raste specifike, bebja rrotullohet pasi nënës t’i shfaqen dhimbjet e lindjes, pra pak para se të dal nga mitra, bebja rrotullohet me kokë poshtë.
Përse bebet rrotullohen me kokë poshtë gjatë shtatëzanisë?
Është mëse e rëndësishme të kuptoni se pozita e bebes në këtë mënyrë gjithmonë përcaktohet nga pesha dhe madhësia e mitrës tuaj. Gjatë ditëve të para të shtatëzanisë, bebja ka mjaftueshëm hapësirë në mitër, që nënkupton se nuk është e nevojshme të marr këtë pozitë gjatë asaj kohe. Pasi që shtatëzania juaj të shënoj progres, hapësirë ngushtohet, prandaj edhe bebja tenton të gjej një pozitë të rehatshme për veten.
Nëse mitra juaj është bërë elastike në zgjerim nga shtatëzanitë e mëparëshme, dhe bebja juaj e dytë është më e vogël, do të shkaktojë vështirësi tek bebja të adobtohet në pozitën e lindjes. Bebja mund të mos adobtohet edhe në pozitën kokë-poshtë, nëse ka abnormalitete në mitër, apo nëse keni fibroide në mitër. Në një shtatëzani me binjakë, njëra nga bebet apo që të dyjat mund të mos përshtaten me pozitën kokë-poshtë. /Gazeta Shneta/