Qendra Klinike Universitare e Kosovës ka njoftuar se në Klinikën e Gastroenterologjisë me Hepatologji është realizuar për herë të parë me sukses biopsia e pankreasit përmes ultrasonografisë endoskopike (EUS) me gjilpërë FNB, te një paciente 60-vjeçare.
Sipas njoftimit të QKUK-së, deri më tani raste të tilla janë kryer jashtë institucioneve publike shëndetësore në Kosovë, transmeton Gazeta Shneta.
Sipas QKUK-së, procedura është realizuar nga ekipi specialistik i Klinikës së Gastroenterologjisë me Hepatologji, në bashkëpunim me stafin infermieror dhe ekipin e Anesteziologjisë, i cili ka menaxhuar kujdesin gjatë dhe pas procedurës.
Ndërsa, pacientja ka qenë nën monitorim për 24 orë dhe më pas është liruar nga klinika në gjendje të mirë shëndetësore./Gazeta Shneta/
