Hulumtimet e reja kanë zbuluar se nënat që pinë duhan gjatë shtatëzanisë mund të shkaktojnë frymëzënie dhe astmë tek fëmijët e tyre kur arrijnë në moshën parashkollorë.
Asa Neuman, doktoreshë e Institutit të Mjekësisë në Stokholm tha për Medicalnewstoday:
“Dëshmitë epidemiologjike sugjerojnë se ekspozimi ndaj pirjes së duhanit nga nëna gjatë jetës së zhvillimit të fetusit dhe jetës së hershme rrit rrezikun nga marrja e astmes në fëmijëri, por studimet e hershme nuk ishin në gjendje të dallonin efektet e ekspozimit prenatal dhe pas lindjes.
Pirja e duhanit nga nënat mund të fillojë të shkaktojë dëme në sistemin e frymëmarrjes fetale në fillim të shtatëzanisë, ndoshta para se nëna të dijë edhe se është shtatzënë, theksoi Dr Neuman transmeton Gazeta Shneta.
Megjithëse ky studim u përqëndrua në rritjen e rreziqeve të shfaqjes së astmës, ekzistojnë shumë rreziqe të tjera të dëmshme për fëmijët, nënat e të cilëve pinë duhan. Disa shembuj përfshijnë:
-lindje e frytit të vdekur;
-pesha e ulët e lindjes;
-lindje e parakohshme;
-sindromi i vdekjes së papritur të foshnjave;
-tension i lartë;
-mbipesha në fëmijëri dhe në adoleshencë;
Ekspertët apelojnë tek, “adoleshentet dhe gratë e reja duhet të inkurajohen të lënë duhanin para se të mbesin shtatzënë”. /Gazeta Shneta/