Një model kompjuteri ka llogaritur kur duhet të filloni të përpiqeni të mbeteni shtatzënë, veçanërisht për ata që duan tre fëmijë ose më shumë. Ja se si funksionon:
Kompjuteri ka grumbulluar mbi 300 vjet të të dhënave të lindshmërisë për të dalë me moshën me të cilën çiftet duhet të fillojnë të ndërtojnë një familje prej 1, 2 ose 3 fëmijëve, me 50, 75 ose 90% mundësi për sukses, transmeton Gazeta Shneta.
Ai merr parasysh konceptimin natyral ose me IVF.
Pra, sipas grafikut të dhënë, nëse dëshironi vetëm një fëmijë, atëherë do të duhet të filloni të përpiqeni në moshën 32 vjeç për të pasur një shans 90% të konceptimit (pa IVF). Por, nëse doni tre fëmijë atëherë grafiku thotë se koha më e mirë për të filluar përpjekjen është në moshën 23 vjeçe që të ketë të njëjtat mundësi për sukses.
Modeli supozon që çiftet “fillojnë të përpiqen për shtatzëninë e ardhshme 15 muaj pas lindjes së një fëmije”, kështu që çiftet duhet ta faktorizojnë edhe këtë.
Sigurisht, ajo që të dhënat nuk marrin parasysh është fakti se jeta e vërtetë nuk është gjithmonë aq e lehtë. Nuk merr parasysh të gjitha gjërat e mëdha që mund të ndryshojnë planet e krijimit të foshnjave – të tilla si gjetja e partnerit të duhur, sigurimi financiar dhe ndërtimi i një karriere.
Dik Habbema në Universitetin Erasmus në Roterdam, Hollandë, një nga krijuesit e modelit, tha:
“Ne jemi përpjekur të plotësojmë një lidhje që mungon në procesin e vendimmarrjes. Djali im është 35 vjeç dhe shumë nga shokët e tij kanë një problem të vendosin se kur duhet të kenë fëmijë, sepse ka kaq shumë gjëra që duan të bëjnë”.
Për ato çifte që duan tre ose më shumë fëmijë, sugjerimi është që të filloni të përpiqeni në moshë të hershme.
Allan Pacey, profesor i Andrologjisë në Universitetin e Sheffield në Mbretërinë e Bashkuar shpjegon:
“Ajo që po thuhet është se në qoftë se jeni në gjendje për të pasur tre fëmijë, mund të prisni derisa të jeni 35 vjeç, por duhet të filloni herët për të qenë të sigurt”.
Disa ekspertë besojnë se ne të gjithë duhet të fillojmë të flasim për pjellorinë dhe tabelat, siç është kjo, prandaj ky artikull duhet të qarkullojë gjërësisht./Gazeta Shneta/