Në gojën e fëmijës suaj ekzistojnë disa lloje të ndryshme bakteriesh, ku disa prej tyre mund të shkaktojnë gingivitis, që është faza e parë e problemeve që shkaktojnë prishje të dhëmbëve.
Por, vitamina C, të cilën mund ta gjejmë në fruta të tilla si portokalli, kivi, papaja ose luleshtrydhja, ndihmon për të vrarë këto baktere dhe gjithashtu furnizon mishrat e dhëmbëve me kolagjen. Burime të tjera të mira të vitaminës C janë: specat e kuq, të verdhë; domatet; dhe patatet e ëmbla.
Megjithatë, dentistët thonë se fëmijët duhet të presin të paktën 30 minuta para se të lajnë dhëmbët pasi kanë ngrënë.
Qumësht, kos dhe djath
Karbohidratet që gjenden tek buka, patatet dhe makaronat kthehen në sheqer. Ky lloj sheqeri ushqen disa baktere në gojën e fëmijës, të cilat pordhojnë acid të dëmshëm për dhëmbët. Ushqime si kosi, qumështi dhe djathi kanë vitamina D, kalcium dhe fosfat. Ato ngrejnë nivelin e pH, ulin aciditetin dhe zvogëlojnë rrezikun e prishjes së dhëmbëve.
Karrota, selino, lulelakër, bishtaja dhe bizele
Këto ushqime pastrojnë dhëmbët dhe mishrat e fëmijës suaj. Ato heqin pllakat që krijohen në dhëmbë pas ngrënies.
Susam, luledielli, fara kungulli dhe arra
Përmbajnë yndyrna natyrale që mbështjellin dhëmbët dhe ndihmojnë në mbrojtjen kundër baktereve, duke forcuar smaltin.
Çamçakëz pa sheqer
Çamçakëzi rrit prodhimin e pështymës, rrit numrin e antitrupave natyrorë në gojë dhe mban mishrat të hidratuar, duke parandaluar prishjen e dhëmbëve./pernenat.al/