Aftësia e tij për t’u ngjitur bëri që të shpëtohet jeta e disa ushtarakëve, një histori e ngjashme për filma.
Në vitin 1911, një avion britanik i Royal Force po fluturonte mbi Atlantik kur ekuipazhi zbuloi një rrjedhje. Për të mbushur këtë vrimë, ata nisën që të përtypin sa më shumë çamçakëz, pasi nuk kishin materiale tjera.
Kështu thuhet në një libër. Masa ngjitëse e krijuar mbushi vrimën dhe avioni arriti pa probleme në destinacion.
Por kjo histori kaq fantastike bën që të ngresh dyshime: a duhet të përtypësh një çamçakëz kur është kaq ngjitës?
Prindërit dhe miqtë thonë se nuk duhet bërë kurrë diçka e tillë, pasi ai ngjitet në stomak dhe me kalimin e viteve krijon një top. Por nuk është kaq fatale.
Çamçakëzi ngjitet kollaj në sipërfaqe të tjera, por jo kaq lehtë në brendësi të trupit.
Në fakt pjesa e bardhë, ajo që ngjit, pasi sheqeri dhe përbërësit e tjerë përhapen në trup, bën një udhëtim mes zorrëve dhe përfundon aty ku përfundojnë të gjitha gjërat, për të cilat trupi nuk ka nevojë- në tualet.
Kjo vlen për shumicën e rasteve. Por nuk ka ndodhur kështu me një britanike, e cila u shtrua në një spital në Bristol. Gruaja 40- vjeçare nuk përtypte më.
Pasi e kontrolluan me endoskop, mjekët panë në ezofagun e saj një top rreth 5 centimetër të madh.
Pasi ia hoqën, pacientja tha se ajo gëlltiste çdo ditë tre paketa me çamçakëza. Ky është rast shumë i rrallë.
Mjekët thonë se rreziku i vërtetë i çamçakëzit është rasti i një gruaje 21- vjeçare, e cila nisi të kishte probleme të mëdha. Ajo u dobësua dhe peshonte vetëm 40 kilogramë. Shkonte 12 herë në ditë në banjë dhe u detyrua të shtrohej në spital.
Shkaku i këtij problemi: çamçakëzi pa sheqer. Ajo përtypte rreth 16 çamçakëza në ditë dhe në këtë mënyrë merrte çdo ditë rreth 20 gram sorbitol, një lëndë që shërben për ëmbëlsimin e çamçakëzit.
Lëvizja e këtij alkooli të ëmbël drejt stomakut e më pas zorrëve shkaktonte diare.
Të tilla raste janë të shumta në klinika. Megjithatë, çamçakëzi ka një efekt pozitiv në këtë drejtim, sidomos për ata që janë kaps.