Shumë femra mendojnë se do të dalin në menopauzë në moshën 50-vjeçare, por studimet e reja thonë se ajo mund të vijë më shpejt nga ç’mendojnë ato.
Kërkuesit thonë se menopauza mund të vijë që në moshën 46-vjeçare, pra 4-5 vjet më herët nga sa ka ndodhur deri më tani.
Studimi në të cilin kanë marrë pjesë 2 mijë femra është bërë nga firma “Balance Activ”.
Deri më tani mosha mesatare në të cilën femrat kalonin në menopauzë ka qenë 51 vjeç.
“Menopauza po vjen më herët krahasuar me vitet e shkuara, pak a shumë e njëjta gjë që ndodh edhe me pubertetin”, tha Lucy Beresford, drejtuese e këtij studimi.
Sipas studiuesve shkak i menopauzës së hershme është “dështimi oval i parakohshëm”(POF), i cili shkaktohet nga stresi apo sedentarizmi i shoqërisë dhe i femrave që nuk kryejnë ushtrime dhe hanë pa kontroll.
Studiuesit thonë se POF mund të njohë një shtrirje më të gjerë dhe të ulë edhe më moshën e daljes në menopauzë.
Gjithashtu studimi thotë se 45 përqind e femrave bënin shumë më pak seks pas daljes në menopauzë.