Nëse aktivizohet sistemi imunitar i një gruaje shtatzënë, kjo mund të ndikojë në zhvillimin e trurit të fëmijës së saj, sugjeron një hulumtim i ri.
Një numër i madh i faktorëve si – infeksione, stresi, sëmundjet dhe alergjitë – mund të aktivizojnë sistemin imunitar. Kjo shkakton që proteinat të lëshohen si pjesë e një përgjigje inflamatore shkruan webmd, transmeton Gazeta Shneta.
Hulumtimet e mëparshme në kafshë kanë treguar se disa nga këto proteina mund të ndikojnë te pasardhësit. Megjithatë, pak është njohur për këtë efekt tek njerëzit.
Për të mësuar më shumë, hulumtuesit studiuan gratë e reja përmes shtatzënisë, lindjes dhe deri sa fëmijët e tyre ishin të vegjël.
Ata zbuluan se funksionimi i trurit afatshkurtër dhe afatgjatë i fëmijës mund të ndikohet nga aktiviteti i sistemit imun të nënës gjatë tremujorit të tretë të shtatzënisë.
Gjetjet përfshin ndryshime në normën e zemrës së fetusit te gratë shtatzëna të cilat tregonin shenja të inflamacionit. Duke përmendur lidhjen midis shkallës së zemrës së fetusit dhe sistemit nervor, studiuesit thanë se ndryshimet në normën e zemrës tregojnë se inflamacioni i nënës ka filluar të ketë efekt edhe para lindjes.
Në javët e para pas lindjes, skanimet e trurit të marra nga të sapolindurit zbuluan ndërprerje në komunikimin mes rajoneve të ndryshme të trurit tek fëmijët ku nënat e të cilëve kishin proteina të ngritura gjatë shtatëzanisë që sinjalizonin inflamacionin.
Pastaj, kur fëmijët ishin 14 muajshe, testimi tregoi dallimet në aftësitë motorike, zhvillimin e gjuhës dhe sjelljen në mesin e fëmijëve të nënave, ku sistemet imune të të cilave ishin aktivizuar nga inflamacioni.
Edhe pse studimet në kafshë kanë sugjeruar atë, ky studim klinik i bërë tek gratë shtatzëna tregon se shënuesit e inflamacionit në gjakun e një nëne mund të shoqërohen me ndryshime afatshkurtra dhe afatgjata në trurin e fëmijës së tyre tha Peterson.
Kjo tani do të na lejojë të identifikojmë mënyrat për të parandaluar këto efekte dhe për të siguruar që fëmijët të zhvillohen në mënyrën më të shëndetshme – duke filluar që në mitër dhe duke vazhduar në fëmijërinë e mëvonshme dhe më gjerë.
Ky studim i fundit u publikua dhe në Gazetën e Neuroshkencës./ Gazeta Shneta/