Një alarm i nisur në Spanjë, ka përfunduar në Serbi dhe pritet të vazhdojë edhe në Itali. Bëhet fjalë për kondomët e markës Durex të cilët po shiten në treg të falsifikuar.
Agjencia Spanjolle e Pajisjeve Medicinale ka konfirmuar përmes autoriteteve në Serbi se pako me kondomë fals të Durexit kanë hyrë në këtë vend. Pakot që janë vënë në shënjestër janë ato me tre kondomë: The Classic, The Super-slim Comfort, The Extra safe Defensor dhe The Pleasuremax, transmeton Gazeta Shneta.
Kjo është bërë e ditur edhe nga prodhuesi Reckitt Benckiser Healthcare, ku kanë dhënë edhe një shpjegim për të dalluar falsët nga origjinalët. Kompania thotë se nëse vëreni se ndërmjet datës së skadimit dhe numrit të prodhimit, shkruan Kina ose Tajlandë, atëherë pakoja është false, derisa në pakon origjinale vendi i prodhimit shkruhet në një pjesë tjetër të kutisë.
Duke qenë se Kosova është fqinj i Serbisë dhe furnizohet me mallra të ndryshme nga ky vend, edhe këta kondom mund të kenë arritur në vendin tonë, prandaj duhet të bëni kujdes kur i përdorni. /Gazeta Shneta/