Njihuni me simptomat e një shtatzënie ektopike

Shtatzënia ektopike ndodh atëherë kur veza e fekonduar implantohet jashtë mitrës. Zakonisht, kjo mund të ndodh në një nga tubat fallopian ose në qafën e mitrës.

Në 50 vitet e fundit, prevalence e shtatzënive ektopike ka arritur rreth 1% deri në 2% të të gjitha shtatzënive shkruan Verywell Family, transmeton Gazeta Shneta.

Kjo gjendje është një shkak kryesor i komplikimeve serioze të shtatzënisë dhe është përgjegjëse për më shumë se 75% të rasteve të abortit në tremujorin e pare.

Shtatzënitë ektopike mund të shkaktojnë ngërçe në njërën ose të dyja anët e zonës së poshtme të barkut, dhimbje të shpatullave dhe/ose dobësi ose marramendje, së bashku me simptoma tipike të shtatzënisë, të tilla si ndjeshmëri e gjirit, vjellje dhe mungesë menstruale.

Disa gra do të kenë gjakderdhje vaginale ose njolla, dhe nivelet e hormonit të shtatzënisë gonadotropina korionike njerëzore (hCG) mund të rriten më ngadalë se sa pritej.

Shtatzënia ektopike mund të ndodh në 98% të rasteve në tubin fallopian. Nëse nuk trajtohet, ajo mund të rritet dhe të shkaktojë gjakderdhje të brendshme. /Gazeta Shneta/