Oda e Mjekëve të Kosovës (OMK), përmes Komisionit për Edukim të Vazhdueshëm Profesional, ka shpallur konkursin publik për përkrahjen financiare të aktiviteteve edukative dhe profesionale. Qëllimi i këtij konkursi është avancimi dhe zgjerimi i edukimit të vazhdueshëm profesional në shëndetësi.
OMK ka planifikuar që përmes këtij programi të mbështesë financiarisht organizimet dhe trajnimet profesionale që realizohen nga shoqatat profesionale dhe institucionet shëndetësore. Kjo përkrahje do të financohet nga buxheti i OMK-së dhe projekte të veçanta të mbështetura nga donatorë, transmeton Gazeta Shneta.
Afati i fundit për dorëzimin e aplikacioneve është 25 Janar 2025, deri në orën 16:00. Formulari i aplikimit dhe detajet e tjera janë të disponueshme në dokumentet e bashkangjitura me konkursin.
Shoqatat dhe institucionet e interesuara ftohen të aplikojnë brenda afatit të caktuar për të përfituar nga kjo mundësi e rëndësishme për zhvillimin e kapaciteteve profesionale në sektorin shëndetësor. /Gazeta Shneta/
