Rroga e kryetarit Naser Rrustemaj po mbahet e fshehtë nga Këshilli Drejtues i Odës së Infermierëve të Kosovës. Gazeta ka kërkuar përgjigje dhe qasje në dokument zyrtar për shpenzimet e Rrustemajt, por vet ai dhe KD nuk kanë ofruar sqarime. KD dhe OIK nuk kanë dhënë asnjë përgjigje në lidhje me këtë
Janë bërë dy muaj që kur Gazeta Shneta ka dërguar kërkesë zyrtare në adresë të Odës së Infermierëve të Kosovës për qasje në dokument publik për pagën e kryetarit Naser Rrustemaj. Kërkesa i është drejtuar Këshillit Drejtues të Odës, por ky organ nuk ka dhënë asnjë sqarim në lidhje me këtë kërkesë.
Gazeta më parë ka raportuar lidhur me dyshimet për ngritjen e pagës në 1500 euro për Naser Rrustemaj. Për këtë raportim ai ishte ankuar në Këshillin e Mediave, duke u arsyetuar me një vendim të vitit 2018 për pagën e tij. Ndërkaq Gazeta Shneta ka kërkuar vendimin e vitit 2019, i cili është marr pas konsolidimit të organeve të reja të OIK-ut, por këtë kërkesë vet Rrustemaj dhe Këshilli Drejtues kanë vendosur ta mbajnë të fshehtë.
Gazeta ka kontaktuar edhe me Kryetarin e Këshillit Drejtues Muharrem Arifi, por i njëjti nuk ka pranuar të flas dhe as të takohet lidhur me këtë çështje.
Gazeta Shneta më parë ka kërkuar sqarime nga kryetari Rrustemaj edhe për shpenzimet dhe benefitet që i gëzon nga buxheti i infermierëve, blerjen e veturës mijëra euroshe me buxhetin e infermierëve, por ai nuk ka dhënë sqarime në lidhje me këto.