Dy-vjeçari Tristan Cormier pësoi djegie të rënda pas vendosjes së dorës në një vatër zjarri që familja e tij e kishte ndezur 12 orë përpara. Nëna e tij dëshiron të sigurohet që asnjë fëmijë tjetër të mos ketë të njëjtin fat.
Tre javë më parë, foshnja e saj Tristan u pranua në njësinë e djegjeve të Spitalit Stollery të Kanadasë. Trupi i tij i vogël ishte i mbuluar me djegie të tmerrshme të shkallës së dytë dhe të tretë, pas një aksidenti të dytë.
Mamaja e tij e mërzitur, Shelley LeBlanc-Cormier, i ka kërkuar prindërve të tjerë ta dëgjojnë dhe të shpërndajnë paralajmërimin e saj me të tjerët shkruan Kidspot, transmeton Gazeta Shneta.
“Ky është djali im i vogël”, thërret ajo në një post të Facebook Live. “Beni kujdes! Unë nuk dua që dikush të ndiejë këtë dhimbje që kam tani. Vetëm mos harroni se mund të ndodhë sa hap e mbyll sytë.”
Shelley këmbëngul se nuk po kërkon simpati apo lutje. Ajo thjesht dëshiron që të mos lëndohet askush si ajo. Ajo shpreson që duke zbuluar historinë tragjike të familjes, do mund të jetë në gjendje të ndihmojë prindërit e tjerë që t’i mbrojnë fëmijët e tyre nga fatkeqsitë e njejta./Gazeta Shneta/