Kur jeni shtatzënë, doni të bëni gjithçka që mundeni për të siguruar që fëmija juaj të jetë i shëndetshëm.
Por, megjithatë ju e dini që shumica e produkteve për pastrim përmbajnë substanca toksike. A janë të sigurt për t’u përdorur kur jeni shtatzënë? Përgjigja është e ndërlikuar shkruan burimi VeryWellFamily, përcjell Gazeta Shneta.
Disa produkte të pastrimit përmbajnë përbërës të shoqëruar me një rrezik në rritje të anomalive kongjenitale.
Megjithatë, mund të ndërmerrni hapa për të zvogëluar ekspozimin tuaj. Të dini se çfarë të shmangni dhe cilat janë alternativat tuaja mund t’ju fuqizojë të mbroni më së miri veten dhe foshnjën tuaj:
Për të mësuar më shumë rreth komplikimeve të shtatëzanisë KLIKO KËTU.
Shmangni pastrimin me produkte të eter glikolit
Këto janë substancat më toksike që gjenden në produktet për pastrim shtëpiak dhe janë shoqëruar me mundësi aborti tek shtatzëna dhe defekte të lindjes.
Mundohuni të shmangni produktet që përmbajnë ftalate
Ekspozimi para lindjes në ftalate mund të rrisë rrezikun e anomalive të lindura të riprodhimit tek fëmijët meshkuj.
Përpiquni të shmangni parabenet
Nëse parabenet në produktet e pastrimit janë apo jo të padëmshëm është një çështje debati në komunitetin shkencor.
Shqetësimi vjen nga fakti se parabenet mund të veprojnë si estrogjen në trup. Studimet tek kafshët kanë zbuluar se butil parabeni mund të dëmtojë pjellorinë mashkullore.
Bëni vetë produktet tuaja super-të thjeshta të pastrimit
Ligji nuk kërkon zbulimin e plotë të shumë prej këtyre kimikateve në etiketat e produkteve.
Nëse doni të dini se çfarë ka në produktet tuaja të pastrimit, bëjini ato vetë! Është e lehtë.
Ju mund të përzieni uthull dhe ujë në një shishe spërkatëse dhe ta përdorni për të pastruar dritaret dhe sipërfaqet.
Nëse keni nevojë për më shumë ndihmë rreth pastrimit, mund të përdorni sodë buke dhe ujë. Kjo mund të përdoret për larjen e furrës ose vaskës.
Gjithmonë pastroni në një zonë të ajrosur mirë. Pavarësisht nëse pastroni me produkte natyrore “jeshile” apo jo, sigurohuni që të pastroni në një zonë të ajrosur mirë. /Gazeta Shneta/