Prindërit duhet të shmangin shurupin për kollë te fëmijët e vegjël dhe, në vend të kësaj, t’u japin atyre mjaltë dhe limon, këshillon Oliver Bevington, pediatër në Spitalin e Fëmijëve në Southampton.
Pediatri Bevington paralajmëron se medikamentet e shitura pa recetë mund të jenë toksike, nëse përdoren në doza të larta tek fëmijët, transmeton Gazeta Shneta.
Shurupët për kollë përmbajnë edhe paracetamol, prandaj, sipas ekspertit të shëndetit të fëmijëve, shumë lehtë mund të krijohet varësi ndaj tij.
Fëmijët nën moshën 6 vjeç janë sidomos të rrezikuar nga kjo gjendje, thotë dr. Bevingto.
“Ne tani hyjmë në periudhën më të ngarkuar të vitit, ku në spitale shtrohen me qindra fëmijë në ditë me simptoma të tilla si kollë, ethe dhe temperaturë.” vlerëson profesionisti shëndetësor.
“Pjesa më e madhe e tyre shkaktohet nga infeksionet virale që mund të trajtohen shumë mirë pa antibiotikë dhe me pushim, lëngje dhe ndonjë paracetamol apo ibuprofen, ndërsa shumë prindër shqetësohen për simptomat dhe mund të dëmtojnë fëmijën me shurup për kollën”, thekson Dr. Bevington më tutje.
Pediatri këshillon që prindërit, ndaj fëmijëve të tyre, të përdorin trajtimet tradicionale me mjaltë dhe limon, të konsumojnë shumë lëngje, të pushojnë, si dhe të përdorin paracetamol dhe/ose ibuprofen sipas udhëzimeve. Nëse simptomat vazhdojnë për disa ditë ose shqetësoni për shenja të tjera, atëherë duhet të konsultoheni me ndonjë mjek specialist./Gazeta Shneta/