Nëse doni të maksimizoni fuqinë e trurit të fëmijës suaj, ndihmoni ata të zhvillojnë zakone të mira, sugjeron një studim të ri.
Kjo përfshin inkurajimin e tyre që të kufizojnë kohën e përdorimit rekreativ të telefonit në më pak se dy orë në ditë, pasi kjo rutinë do i ndihmojë të flejnë mjaftueshëm dhe të qëndrojnë fizikisht aktiv, transmeton GazetaShneta.
Hulumtuesit zbuluan se 37 për qind e fëmijëve përdornin telefonin dy orë ose më pak në ditë, 51 për qind bënin 9 deri në 11 orë gjumë të pandërprerë për një natë, dhe 18 për qind bënin të paktën 60 minuta në ditë aktivitet fizik.
Studimi zbuloi po ashtu se fëmijët që kalonin më pak se 2 orë në përdorim të telefonit, bënin gjumë të mjaftueshëm dhe ishin të përfshirë në një kohë të mjaftueshme me ushtrime fiizk. Kjo përfshin po ashtu përmirësimin e kujtesës, vëmendjes, shpejtësinë e përpunimit të informacionit dhe të folurit.
Studimi don të potencojë po ashtu se nuk bën thirrje për eliminim total të telefonave të mençur, por këshillon prindërit që ta limitojnë këtë përdorim nga fëmijët e tyre, përcjellë “The Conversation”.
Drita blu që telefonat lëshojnë është konstatuar të jetë e dëmshme për shikimin tonë dhe për uljen e aftësive të përqëndrimit.
Fëmijët (dhe prindërit) mund të shmangin këtë efekt duke i fikur pajisjet e tyre të paktën një orë përpara gjumit.
“Prindërit duhet të jenë të vetëdijshëm për atë që fëmijët e tyre po bëjnë kur i mbajnë telefonat në duar”, tha Kirkorian, kryesuesi i studimit. /GazetaShneta/