Përfaqësues të Odave të Profesionistëve Shëndetësorë të Kosovës kanë vizituar lokacionin ku po ndërtohet objekti i përbashkët i këtyre institucioneve.
Sipas njoftimit të Odës së Stomatologëve të Kosovës, në vizitë mori pjesë edhe kryetari i Odës së Stomatologëve, Prof. Dr. Blerim Kamberi, së bashku me përfaqësues të odave të tjera profesionale shëndetësore.
Gjatë vizitës, përfaqësuesit u informuan nga ekipi përgjegjës për ecurinë e punimeve, fazat e realizimit të projektit dhe afatet e planifikuara për përfundimin e objektit.
Objekti i përbashkët i Odave të Profesionistëve Shëndetësorë po ndërtohet për të akomoduar aktivitetet dhe funksionimin e odave profesionale, ndërsa sipas njoftimit, përfaqësuesit diskutuan edhe për rëndësinë e këtij investimi për sektorin shëndetësor.
Punimet në objekt janë duke vazhduar, ndërsa odat shëndetësore kanë publikuar pamje nga vizita në kantierin e ndërtimit./Gazeta Shneta/