Përkufizimi i parë kërkimor i asaj që nënkuptohet me ”COVID-19 të gjatë” tek fëmijët dhe të rinjtë është përmbledhur zyrtarisht, sipas një studimi historik të pranuar për botim në Archives of Disease in Childhood.
Ky përkufizim plotëson nga afër dhe pjesën nga Organizata Botërore e Shëndetësisë (OBSH), për Covid-in e gjatë tek të rriturit, dhe nëse miratohet gjerësisht, do të ndihmojë në forcimin e bazës së provave mbi këtë gjendje dobësuese – thonë studiuesit, shkruan MedicalxPress përcjell Gazeta Shneta.
Një mori përkufizimesh të përdorura aktualisht, të cilat të gjitha ndryshojnë në numër, lloj dhe kohëzgjatje të simptomave, kanë kontribuar në variacionet shumë të gjera të raportuara në prevalencën e vlerësuar të Covid-it të gjatë tek fëmijët nga 1% deri në 51%. Kjo ka penguar përpjekjet kërkimore deri më sot.
Një përkufizim i aplikuar vazhdimisht i formës COVID i gjatë, do t’u mundësojë studiuesve të krahasojnë dhe vlerësojnë me besueshmëri studimet mbi prevalencën, rrjedhën e sëmundjes dhe rezultatet, duke ofruar një pamje më të saktë mbi ndikimin e vërtetë të gjendjes, shpjegojnë studiuesit.
Konsensusi u arrit midis një paneli përfaqësues prej 120 ekspertësh ndërkombëtarë të aftë në ofrimin e shërbimeve (47), kërkimeve (50) dhe përvojën e jetuar (23), pas shqyrtimit të kujdesshëm të 49 deklaratave secila prej të cilave u vlerësua me shkallën nga 1-9, në varësi të tyre.
Deklaratat e përfshira për një përkufizim kërkimor të COVID-it të gjatë tek fëmijët dhe të rinjtë ishin si më poshtë:
Një gjendje në të cilën një fëmijë ose i ri ka simptoma (të paktën njëra prej të cilave është simptomë fizike) që:
– Kanë vazhduar ose zhvilluar pas një diagnoze të COVID-19 (e konfirmuar me një ose më shumë teste pozitive të COVID-19);
– Ndikon në mirëqenien e tyre fizike, mendore ose sociale;
– Ndikon ose ndërhyjnë në disa aspekte të jetës së përditshme (p.sh., shkolla, puna, shtëpia ose marrëdhëniet) dhe
– Vazhdon për një kohëzgjatje minimale prej 12 javësh pas testimit fillestar për COVID-19 (edhe nëse simptomat janë zbehur gjatë asaj periudhe).
Këto përkufizimet mund të nënkuptohen edhe si: “Gjendja post-COVID-19 ndodh tek të rinjtë me një histori të infeksionit të konfirmuar nga SARS CoV-2 (virusi përgjegjës për infeksionin COVID-19), me të paktën një simptomë fizike të vazhdueshme për një kohëzgjatje minimale prej 12 javësh, pas testimit fillestar që nuk mund të shpjegohet me një diagnozë alternative.
Simptomat kanë një ndikim në funksionimin e përditshëm, mund të vazhdojnë ose zhvillohen pas infektimit me COVID-19 dhe mund të luhaten ose të rifillojnë me kalimin e kohës.”/Gazeta Shneta/