Një familjar i një pacienteje ka hasur në një incident para hyrjes së Spitalit të Vushtrrisë. Ai kishte dashur që ta vizitojë vajzën e tij e cila ishte bërë operacion, mirëpo ishte ndaluar nga Shefi i Repartit të Gjinekologjisë, Blerim Feka, mes të cilëve ka filluar edhe përplasja më pastaj.
Familjari në video ndëgjohet duke i thënë Fekës se është duke dashur të hyjë brenda vetëm ta shohë vajzën pasi është bërë operacion, derisa më tutje i drejtohet se nuk është në rregull si shef i repartit me bë këso sjellje.
“A është në rregull ti si shef i repartit me ba kësi sjellje. Unë e kam fminë smut o burrë. Unë po du me hi me pa fminë, ti po i bërtet një gruje që është tu fol drejtpërdrejtë me. Ajo e ka cikën mrena që e ka ba operacion e ka problem me frymëmarrje, e ti po bërtet në mes të sallës. A është në rregull doktor. Shef i Repartit i thu vetes”, dëgjohet duke thënë qytetari në videom derisa janë brenda në koridor të spitalit.
Më tej zënka e tyre vazhdon jashtë, derisa familjari ndëgjohet duke i thënë Fekës se po don vetëm ta shohë fëmijën e tij të sëmurë.
Më pas situata fillon të dalë jashtë kontrolli kur shefi i repartit të Gjinekologjisë, Blerim Feka, tenton t’ia largojë telefonin familjarit i cili po e incizonte.
“Kënd po e inicizon ti rrugës”, dëgjohet duke thënë Feka.
“Hima hima, unë babën e kom polic. Qetash ti thirri Policinë. Ti s’e meriton me qenë shef i repartit”, ndëgjohet duke i thënë familjari.
Pas kësaj shefi i repartit të Gjinekologjisë Blerim Feka vazhdon drejt hyrjes së spitalit.
Gazeta Insajderi ka tentuar të kontakojë me Spitalin e Përgjithshëm të qytetit të Vushtrrisë, mirëpo të njëjtit nuk i janë përgjigjur telefonatës.