A jeni duke bër gati çantën e spitalit për lindje? Pasi ta lexoni këtë artikull ju do ta shtoni një produkt më shumë në listë – çamçakëzin.
Jo vetëm që është e mirë për frymën gjatë lindjes, por tani ekspertët kanë gjetur një arsye shumë më të rëndësishme për ta përfshirë çamçakëzin në çantë, transmeton Gazeta Shneta.
Është zbuluar se nënat e reja që lindin me seksion cezariane duhet të përtypin çamçakëzin për rreth 30 minuta me tri herë në ditë pas operacionit, me qëllim të rikthimit normal të funksionit të zorrëve.
Me rreth një në pesë gra të diagnostikuara me një gjendje të quajtur ileus pas operacionit, pas një seksioni cezarian, shumë lëvizje normale të zorrëve ngadalësohen ose ndalen tërësisht.
Autori i studimit Dr Vincenzo Berghella, nga Spitali Universitar Thomas Jefferson në Filadelfia, tha se simptomat përfshijnë: fryerje barku, dhimbje barku dhe ndjenja e të qenit sëmurë.
Çamçakëzi mund të mashtrojë trupin tuaj duke menduar se po ha dhe dërgon një mesazh në zorrë për të filluar funksionimin dhe duke u rikthyer në normalitet./Gazeta Shneta/