Kruajtja poshtë është diçka e parehatshme, edhe më e parehatshme është përballja me të.
Mirëpo, para se të supozoni se keni të bëni me infeksion fungal është mirë që të konsultoheni me mjekun pasiqë shumë faktorë të ndryshëm ndikojnë që të keni irritim të vaginës.
Ka shumë sëmundje dhe shumë faktorë që ndikojnë që të keni një gjendje të tillë mirëpo nëse i keni arsyet e mëposhtme atëherë mund të kuroheni edhe me mjete shtëpiake.
Kruarje nga faktorët e jashtëm
Kur keni të bëni me kruarje të jashtme në vulvë, e jo kruarje të brendshme në vaginë, atëherë keni të bëni me dermatitis apo inflamacion të lëkurës që shkaktohet nga briski i rrojes, brekë të ngushta apo rroba të djersitura.
Për të zbutur kruarjen duhet të përdorni ndonjë prodhim që nuk ka përbërës aktivë në të, sikurse vaji i kokosit dhe vazelina.
Kruarje e shkaktuar nga seksi
Nëse keni provuar ndonjë lubrifikant të ri me partnerin tuaj, do të mund të ju shkaktojë parehati dhe kruarje vaginale.
Kjo ndodhë ashtu pasiqë shumë lubrifikantë përmbajnë alkool i cili mund të irritojë zonën vaginale apo në anën tjetër lubrifikanti nuk është i duhur dhe shkakton fërkim me çka rezulton në kruarje.
Një gjë tjetër që shkakton kruarje janë prezervativët pasiqë disa femra janë alergjike ndaj lateksit që përmban prezervativi. Provoni lubrifikantë organik me bazë ujore që nuk e shqetëson balansin kimik të vaginës.
Kruarje e shkaktuar nga menopauza
Nivelet e ulëta të estrogjenit gjatë menopauzës e ndryshojnë pH balansin e vaginës suaj, duke shkaktuar që muret vaginale të dobësohen dhe të thahem- duke shkaktuar gjendjen e quajtur atrofi vaginale.
Opsioni më i mirë për ju është të konsultoheni me mjekun për opsionet që ju ngelin mirëpo mund edhe të ndërmerrni diçka në vete duke konsumuar medikamente si Luvena që ju ndihmon në rregullimin e pH dhe rivendosjen e lagështisë në vaginë.
Kruarje e shkaktuar nga produktet higjienike
Sigurisht që keni dëgjuar se dushi nuk është i mirëpritur nga vagina juaj pasiqë e zhvesh atë nga balansi natyral i bakterieve të shëndetshme, madje edhe kur nuk bëni dush sapuni i gabuar mund të ju shkaktojë kruarje.
Në përgjithësi, produktet e përdorura në zonën vaginale nuk duhet të përmbajnë parfum dhe duhet të jenë të buta.
Gjithashtu rrini sa më larg nga deodeorantët dhe pecetat për vaginë. Është normale që vagina juaj të mbajë aromë mirëpo nëse është e pakëndshme atëherë konsultohuni me mjekun./femra.net/