Ndërsa jeni duke lindur fëmijën tuaj në mënyrë natyrale mund të dëgjoni mjekun tuaj teksa i thotë mamive se duhet të vazhdohet me një operacion duke qënë se fëmija ka ngecur. Kjo ndodh pasi kanë plasur ujërat, qafa e mitrës është hapur dhe ju keni shtyrë por pa rezultat, pra fëmija nuk do të zbresë, ka ngecur.
Përse fëmija mund të ngecë gjatë lindjes normale?
- Varet nga pozicioni që ai ka. Gjatë trimestrit të fundit bebi pozicionohet dalëngadalë duke shkuar dhe shtyrë drejt qafës së mitrës. Por ndonjëherë mund të ndodhë që ai të mos zërë pozicionin e duhur dhe në këtë rast nevojitet ndërhyrja kirurgjikale.
- Pozicioni i nënës. Nëse ju gjatë lindjes do të merrni pozicionin e duhur edhe fëmija do të dalë më me lehtësi.
- Përdorimi i epiduralit. Edhe pse do të ketë efekte pozitive përsa i përket dhimbjeve, mund të ndikojë negativisht në lidhje pozicionimin e daljen e fëmijës.
- Fëmija ka peshë të madhe. Kjo në gjuhën mjekësore njihet me termin makrosomi dhe një ndër vështirësitë më të mëdha të daljes së këtyre fëmijëve është pjesa e supeve të cilat mund të ngecin në zonën e legenit. Në këtë rast duhet ndërhyrja kirurgjikale.
- Keni një zonë pelvike (legeni) problematike. Pra mund të mos ketë formën dhe përmasat e duhura. Në këtë rast lindja do të jetë e ngadaltë por jo e pamundur të bëhet në mënyrë natyrale. Gjithsesi në secilin rast e vlerëson mjeku se cila është mënyra e duhur për të vepruar./pernenat.al/