Frika më e madhe e një gruaje shtatzënë duket se janë dhimbjet e lindjes, megjithatë, duket se ka edhe disa dhimbje të tjera që mund të ndihen gjatë shtatzënisë, të cilat janë tepër intensive dhe madje mund të krahasohen me ato të lindjes.
Dhimbje të mëdha gjatë shtatzanisë si pasojë e…
- Një kocke të thyer. Sipas disa grave kjo shkakton aq shumë dhimbje sa mund të krahasohet me atë të lindjes. Mbi të gjitha kur kemi të bëjmë me një kavilje të thyer.
- Migrena. Ky shqetësim mund të vazhdojë për disa ditë me radhë dhe mund të shkaktojë një dhimbje të madhe. Gjithashtu mund të shfaqen edhe shqetësime të tjera si të përzierat, të vjellat dhe ndjeshmëria e madhe ndaj dritës.
- Kripërat në veshka. Për disa gra dhimbjet e lindjes mund të konsiderohen më të përballueshme dhe më të lehta se ajo që shkaktojnë kripërat në veshka. Shkaktohen kur në veshka formohen masa kripërash.
- Nevralgjia. Është një shqetësim që mund të shkaktohet nga stresi, infeksioni ose irritimi dhe shoqërohet me dhimbje të forta në zonën e nervit përkatës të kafkës. Dhimbjet janë shumë të forta.
- Neuropatia. Ky shqetësim shkaktohet nga qëndrimi gjatë ulur, nga përdorimi i biçikles, veprimtaria e gjatë fizike, nga ndërhyrja për kurimin e hemorroideve dhe mund të shkaktojë dëme në zonën e nervit pudendo (në zonën gluteale).
Sipas disa nënave këto janë disa nga dhimbjet që mund të ndihen gjatë shtatzënisë dhe mund të shkaktojnë dhimbje po aq sa edhe vetë lindja. Por si mendoni ju? Keni pasur një rast në shtatzëninë tuaj kur keni ndier dhimbje po aq të madhe? Një problem shëndetësor specifik?/Pernenat.al