Pesë qytetarë kanë rezultuar të infektuar me coronavirus nga 233 testime të bëra në Institutin Kombëtar të Shëndetësisë Publike.
Ministria e Shëndetësisë gjithashtu njofton se gjatë 24 orëve të fundit janë shëruar shtatë qytetarë ndërsa nuk është regjistruar asnjë rast i vdekjeve me coronavirus.
“Në 24 orët e fundit janë dhënë 68 doza të vaksinës kundër COVID-19”, thuhet mes të tjerash në raportin e fundit të ministrisë.
Deri më tani në Kosovë janë administruar mbi 1,8 milion doza të vaksinave kundër coronavirusit.
Aktualisht në nivel vendi janë 52 raste aktive me SARS-CoV-2./Gazeta Shneta/