Ditët e nxehta gjatë shtatzënisë mund të kenë ndikim në ndryshimin e gjendjes si tek nëna ashtu edhe te fëmija.
Shumë gra shtatzëna kanë dyshime nëse duhet ose jo të shkojnë në plazh gjatë shtatzënisë, sidmos gjatë muajve të fundit, përcjell Gazeta Shneta.
Por, nëse jeni të përpikët dhe i ndjekni disa rregulla esenciale, ju nuk do të keni aspak problem të shijoni pushimin.
E këto rregulla janë:
1. Ndalohet ekspozimi në diell, në orët më të nxehta të ditës.
2. Përdorni një mbrojtje totale, për të evituar shfaqjen e njollave në fytyrë sepse ato nuk do t’ju ikin më.
3. Pini shumë ujë, deri në 2 litra në ditë.
4. Evitoni pijet alkoolike.
5. Evitoni peshkun e papërpunuar dhe frutat e detit, për shkak se rrezikoni hepatitin.
6. Bëni shume not, sepse përmirëson qarkullimin e gjakut te këmbët.
7. Hani vakte të pakta e të shpeshta, duke preferuar perimet dhe frutat, por evitoni frutat me shumë sheqer, si rrushi, bananet, ananasi dhe fiqtë.
8. Në rast se ju vjen dhimbje koke, lini direkt plazhin sepse mund te jetë faji i diellit.
9. Bëni kujdes nga ulja e tensionit. Mund t’ju ndodhë edhe kur bëni lëvizje të vogla, si ngritja nga shezlongu.
10. Mos u ulni kurrë në rërë apo shezlong pa një peshqir, që duhet të jetë në mënyrë rigoroze personal, për të evituar infeksionet vaginale./gazetashneta