Zëvendëskryeministri dhe kryediplomati i Belgjikës, Maxime Prevot u ka kërkuar liderëve politikë në Kosovë që t’i japin fund bllokadës politike, pas zgjedhjeve të djeshme parlamentare.
Ai shkroi në X se “asnjë parti nuk mund të qeverisë e vetme” dhe se prioritet duhet të jetë ndërtimi i një koalicioni.
“Kosova votoi. Tani u takon liderëve politikë ta respektojnë këtë zgjedhje duke punuar së bashku dhe duke i dhënë fund bllokadës aktuale politike. Asnjë parti nuk mund të qeverisë e vetme. Ndërtimi i një koalicioni dhe formimi i shpejtë i institucioneve të qëndrueshme duhet të jenë prioritet”, shkroi ai.
Prevot tha se “rruga përpara është e qartë: avancimi në rrugëtimin europian të Kosovës, riangazhimi në dialogun Beograd-Prishtinë dhe vazhdimi i reformave që do ta afrojnë Kosovën me Bashkimin Europian”.
“Belgjika mbetet një mbështetëse e qëndrueshme e perspektivës europiane të Kosovës”, shkroi ai në fund.
🇽🇰 Kosova has voted. Now it is up to political leaders to honour that choice by working together and end the current political deadlock. No party can govern alone. Building a coalition and forming stable institutions quickly should be the priority.
The path ahead is clear:…
— Maxime PREVOT (@prevotmaxime) June 8, 2026