Në rrjetin social “Facebook”, mamia Razije Musa i’u është përgjigjur pyetjes së cilit grup të fëmijëve i’u prishen dhëmbët më shpejtë, atyre që ushqehen me gji apo me formulë (?!)
Sipas mamisë, dhëmbët mund të prishen në atë rast kur prindërit nuk arrijnë të i pastrojnë dhëmbët e fëmijëve në formën e duhur, dhe vazhdojnë të ushqejnë natën qoftë me qumësht gjiri apo me formulë shkruan Gazeta Shneta.
Mësoni më shumë rreth komplikimeve të shtatzënisë duke lexuar KËTU
Mamia ka theksuar se prishja e dhëmbëve nuk ndërlidhet me ushqyerjen në moshë shumë të hershme.
“Sekreti nuk qëndron te njëra apo tjetra por vec te pastrimi qysh në fëmijëri të hershme.”, ka thënë ajo.
Mes tjerash, mamia ka sugjeruar një metodë përmes së cilës mund të bëhet pastrimi i dhëmbëve.
“Fillimisht me çaj kamomili e një leckë të pastër e pastrojmë mishin e gojës me shumë kujdes e pastaj me brusha e pasta adekuate për moshën.”
Krejt në fund, mamia këshillon prindërit që fëmijëve të tyre duhet t’i pastrohen dhëmbët para se të bien në gjumë, pasi sasia e sheqernave apo mbetjeve ndikon shumë në paraqitjen e problemeve me dhëmbët.
Në raste të tilla, rekomandohet të konktaktoni stomatologun e fëmijëve për trajtim./Gazeta Shneta/