Rreth 30 përqind e kanadezëve midis moshës 40 dhe 59 vjeç raportojnë të paktën për një problem në dhomën e gjumit.
Problemi më i zakonshëm seksual është dëshira e ulët, sipas një studimi kërkimor që u publikuar së fundi në Journal of Sexual Medicine. Rreth 40 përqind e grave që u intervistuar dhe 30 përqind e burrave, raportuan se përjetonin probleme me dëshirë të ulët seksuale përgjatë gjashtë muajve të fundit, transmeton GazetaShneta.
Shumë gra gjithashtu raportuan vështirësi në arritjen e orgazmës (15 për qind), si dhe probleme me thatësi vaginale (29 për qind) dhe dhimbje vaginale (17 për qind). Pothuajse një e katërta e meshkujve kishin vështirësi në ejakulimin ose në ereksion.
Këto norma sugjerojnë se një shumëllojshmëri e problemeve seksuale janë mjaft të zakonshme në mesin e kanadezëve gjatë moshës së mesme. Gjetjet nga ky hulumtim janë gjithashtu në përputhje të gjerë me hulumtimet e botuara nga Shtetet e Bashkuara dhe Mbretëria e Bashkuar, raporton “The Conversation”.
Sipas rezultateve të këtij studimi, personat që janë të martuar kanë më shumë gjasa të kenë dëshirë të ulët rreth të qenit intim se ata që nuk janë të martuar,. Burrat e martuar kanë më shumë gjasa të përjetojnë vështirësi gjatë ejakulimit.
Këto janë gjetje interesante dhe jo të papritura. Hulumtime të tjera kanë treguar se kënaqësia seksuale zvogëlohet me kalimin e kohës në marrëdhëniet afatgjata. Kjo sugjeron që mbi-familjarizmi me një partner në disa raste mund të bëjë që “shkëndija” e dashurisë të jetë më pak e ndritshme, e që rrjedhimisht kjo ndikon edhe në problemet seksuale./GazetaShneta/