Mamia shumë e dashur, nga të gjithë nënat po vazhdon përhere të jetë në mesin e nënave të reja për t’ju ndihmuar në lidhje me fillesat e amësisë. Kësaj rradhe ajo na tregon më shumë rreth procesit të gjidhënies duke filluar që nga muaji i parë.
Ja kështu zonja Razije u shpreh përmes rrjetit sociale në facebook në faqen e saj në lidhje me temën:
Shumë herë pyetem nga nënat që sapo kanë lindur se a do të jetë gjithë procesi i gjidhënies kaq i vështirë.Në fakt dua të sqaroj diçka që ju t’a mbani mend dhe kështu t’a bindni vetën se është vetëm një periudhë e cila do të kalojë së shpejti.
Ju e dini se ardhja e qumështit të nënës ndodhë si pasojë e ndryshimeve hormonale që i pëson gruaja gjatë dhe pas shtatzënisë, prandaj është diçka e re për trupin dhe normal reagon ndryshe.
Një grua lehonë gjatë muajit të parë të gjidhënies mund të ketë lodhje, nervozë pa arsye, ethe herë pas herë, temperaturë, dhimbje koke, harresa momentale, mungesë koncentrimi, emocione të shpeshta, shtim apo humbje e apetitit.
Kjo nuk do të thotë se çdo grua do të përjetoj njejtë gjidhënien por që nëse këto ndodhin nuk do të thotë se diçka nuk po shkon thjeshtë është përshtatja e organizmit me ndryshimin e ri dhe shumë shpejtë gjidhënia do të shënderohet në një proces të qetë e relaksues të cilin do t’a shijoni edhe ju edhe fëmija juaj.
Është e rëndësishme që të mos bëheni merak sepse gjatë procesit të gjidhënies ju mund të humbisni peshë sepse mendohet që gjatë një ditë djegien rreth 500 kalori, e rëndësishme është që ju të konsumoni deri në tre litra ujë dhe të mos merrni këshilla jo profesionale.
Pra, konsumimi i pijeve me sheqer nuk ndikon pozitivisht në procesin e gjidhënies unë gjithmonë them mjafton uji e ushqimi i shëndetshëm dhe ju do të jeni mirë.
Mos harroni se gjidhënia si çdo proces tjetër i ri për organizmin ka nevojë për kohë që të adaptoj trupin e nënës.
Më shumë dashuri, Razija.