Një studim i ri tregon se probiotikët mund të parandalojnë preeklampsinë dhe lindjen e parakohshme nëse merren në kohën e duhur në shtatzëni
Këtu është një arsye tjetër shkruan Parents për tu ngarkuar me kos kur prisni fëmijë:
Një studim i fundit i botuar në revistën “BMJ Open” zbuloi se pirja e qumështit i pasur me probiotik ishte e lidhur me një rrezik më të ulët të preeklampsisë (tensionit të lartë të rrezikshëm) si dhe me një shans më të vogël të lindjes së parakohshme — por vetëm nëse konsumohet në pika të caktuara të shtatëzanisë.
Fuqia probiotike
Hulumtimet e mëparshme kishin identifikuar tashmë lidhjen midis probiotikëve, baktereve “të mira” që mund të jetojnë në zorrët tona, dhe një rrezik të zvogëluar të këtyre ndërlikimeve të shtatzënisë përcjell Gazeta Shneta.
Hapi i parë i preeklampsisë ndodh kur placenta fillon të ndërtohet, kështu që ne në të vërtetë kishim pritur që konsumimi i probiotikëve gjatë shtatëzanisë së hershme të luante një rol më të madh,” thotë Dr. Nordqvist.
Por rezultatet treguan se konsumi në shtatzëninë e vonshme ishte më i rëndësishmi, duke sugjeruar që probiotikët ulin rrezikun e preeklampsisë duke ulur vetë tensionin e lartë.
“Kjo mbështetet nga studime të tjera që tregojnë se probiotikët mund të kenë të njëjtin efekt si ilaçet që ulin tensionin e gjakut,” thotë Dr. Nordqvist.
Sa i përket lindjes së parakohshme, doktor Nordqvist thotë se probiotikët mund të ndryshojnë reagimin e trupit ndaj infeksionit.
“Zakonisht lindjet e parakohshme, mund të jenë të lidhura me infeksione, të cilat dërgojnë në inflamacion,” thotë Dr. Nordqvist.
“Rezultatet tona sugjerojnë që nëse përgjigja inflamatore mund të ulet në një fazë të hershme, mund të ulë rrezikun e lindjes së hershme.”
“Konsumimi i probiotikëve është, për dijen tonë, i sigurt gjatë gjithë shtatëzanisë” përfunduan ata. /Gazeta Shneta/