Vaksinimi gjatë shtatzënisë luan një rol të rëndësishëm në shëndetin e përgjithshëm të nënës dhe foshnjës në rritje.
Imunizimi me vaksina të llojit Difteria-Pertussisi-Tetanosi (DTP), kanë një rëndësi të veçantë te gratë shtatzëna për disa arsyje, shkruan Kolegji Amerikan i Obstetërve dhe Gjinekologëve (ACOG) përcjell Gazeta Shneta.
DTP është një vaksinë që mbron nga tre sëmundje serioze:
Kolla e mirë (pertusis) është një sëmundje shumë ngjitëse që shkakton kollë të rëndë. Të porsalindurit dhe foshnjat janë në rrezik të lartë të kollës së rëndë, e cila mund të jetë kërcënuese për jetën.
Për të mësuar më shumë rreth komplikimeve të shtatzënisë KLIKO KËTU.
Bakteret e tetanozit mund të hyjnë në trup përmes një çarje në lëkurë. Tetanusi mund të paralizojë muskujt që ju ndihmojnë të merrni frymë.
Në anën tjetër, difteria mund të kufizojë frymëmarrjen dhe të cenojë jetën poashtu.
Të gjitha gratë shtatzëna duhet të marrin vaksinën Tdap gjatë çdo shtatzënie.
Vaksina ndihmon trupin tuaj të prodhojë antitrupa për t’ju mbrojtur nga sëmundjet. Këto antitrupa kalojnë te fetusi juaj dhe mund ta mbrojnë të porsalindurin tuaj derisa ata të mund të marrë vaksinën DTP në moshën 2 muajshe.
Është mirë që kjo vaksinë të merret ndërmjet javës 27 dhe 36 të çdo shtatzënie.
Nëse keni anëtarë të familjes që do të jenë në kontakt të ngushtë me foshnjën tuaj dhe ata nuk janë vaksinuar me DTP, ata gjithashtu duhet të marrin një dozë të vetme të kësaj vaksine. Kjo dozë duhet të jepet të paktën dy javë përpara se të kenë ndonjë kontakt të ngushtë me foshnjën. /Gazeta Shneta/