Ministria e Shëndetësisë ka publikuar rezultatet përfundimtare të konkursit për pozitën e drejtorit të Qendrës Kombëtare të Kosovës për Transfuzionin e Gjakut (QKKTG), pas përfundimit të procedurave të testimit me shkrim dhe intervistimit të kandidatëve.
Sipas njoftimit, kandidatja Albana Bislimi Krasniqi është renditur e para në procesin e vlerësimit, duke grumbulluar gjithsej 83.4 pikë.
Rezultatet tregojnë se ajo ka marrë 61 pikë në testin me shkrim dhe 22.4 pikë në intervistë, çka e ka pozicionuar si kandidaten më të suksesshme në procedurën e rekrutimit.
Në njoftim theksohet se kandidatët e pakënaqur me procesin e rekrutimit kanë të drejtë ankese pranë komisionit përkatës brenda afatit prej 30 ditësh./Gazeta Shneta/