Një analizë e hollësishme e situatës së furnizimit me barna dhe materiale mjekësore në Qendrën Kryesore të Mjekësisë Familjare në Dragash ka zbuluar një imazh të përgjithshëm pozitiv, por edhe sfida specifike me të cilat ballafaqohet ky qytet.
Farmacisti përgjegjës i QKMF-së, Ilir Jakupi, ka ndarë disa vërejtje thelbësore në një intervistë për Gazetën Shneta.
Sipas tij, furnizimi me barna nga Ministria e Shëndetësisë ka arritur një nivel të kënaqshëm, megjithatë, Jakupi ka theksuar se ka pasur disa sfida me mungesën e disa produkteve.
“Furnizimi me barna nga Ministria e Shëndetësisë sipas Listës Esenciale është i kënaqshëm, diku rreth 80% të barnave furnizohemi prej MSH. Mungesa në furnizim kemi pasur nga kortikosteroidet dhe vitamina sipas Listës Esenciale”, theksoi ai.
Mirëpo mungesë nuk pati në furnizimin me insuline dhe vaksina.
“Po furnizimi me insulina dhe vaksina është shumë i mirë, kryesisht nuk ka pasur mungesa”, tha farmacisti Ilir Jakupi.
Ai gjithashtu njoftoi se përpjekjet janë bërë për të siguruar furnizimin e materialeve shpenzuese nga Ministria e Shëndetësisë, megjithatë, ka pasur momente kur kanë munguar disa produkte.
“Po edhe furnizimi me materiale shpenzues sipas Listës Esenciale bëhet nga MSH, mungesa ndonjëherë ka pasur nga: sistemet per infuzion, kanilla, gaza (fasha)”, shtoi ai.
Në lidhje me situatën e personelit mjekësor, Jakupi shprehu shqetësimin për mungesën e mjekëve të rinjë, duke e cilësuar këtë si një nga nevojat më esenciale të Qendrës Kryesore të Mjekësisë Familjare në Dragash.
“Mungesa e mjekëve të rinjë është njera nga nevojat më esenciale e QKMF-së, e cila si problem kyq ka ikjën e mjekëve jashtë vendit,” tha në fund farmacisti përgjegjës në QKMF-në e Dragashit, Ilir Jakupi./GazetaShneta/